अमेरिकाले बनाएको नोभाभ्याक्स खोप ९० प्रतिशत प्रभावकारी

एजेन्सी- अमेरिकाले कोरोनाविरुद्ध विकास गरेको नोभाभ्याक्स ९० प्रतिशत प्रभावकारी पाइएको छ।

युएस बायोटेक कम्पनी नोभाभ्याक्सले बनाएको यो खोप कोरोनाको नयाँ भेरियन्टमासमेत ९० प्रतिशत प्रभावकारी पाइएको दाबी गरिएको छ।

नोभाभ्याक्सले आफूले विकास गरेको खोप कोरोनाको माध्यमबाट लाग्ने अरु कुनै पनि गम्भीर रोगका लागि सतप्रतिशत प्रभावकारी भएकोसमेत उल्लेख गरेको छ।

यो खोप अमेरिका र मेक्सिकोका ११९ क्षेत्रमा ३० हजार मानिसमाथि प्रयोग गरिएको थियो।

अमेरिकामा बनेको मोडर्ना खोप प्रयोगमा आइसकेको छ। यो खोप पनि कोरोनाविरुद्ध अत्यन्त प्रभावकारी खोपका रुपमा हेरिएको छ।