काठमाडौं- नेकपा एमालेका वरिष्ठ नेता तथा पूर्वप्रधानमन्त्री झलनाथ खनाल अस्पताल भर्ना भएका छन्। स्वास्थ्यमा समस्या देखिएपछि आज बिहान पौने ८ बजे उनलाई काठमाडौं थपाथलीस्थित नर्भिक अस्पतालमा भर्ना गरिएको हो।
चार–पाँच दिनदेखि ज्वरो आएर घरमै बसेको र स्वास्थ्यमा थप समस्या भएपछि अस्पताल भर्ना गरिएको अस्पतालले जनाएको छ।
अहिले स्वास्थ्य अवस्था सामान्य रहेको र अन्य स्वास्थ्य परीक्षण जारी रहेको अस्पतालमा सूचना तथा जनसम्पर्क विभाग प्रमुख सोमनाथ बास्तोलाले जानकारी दिए।
यसअघि खनाललाई कोरोना संक्रमण देखिएको थियो। तर, उनी कोरोनामुक्त भएर घर फर्किएका थिए।