युरो कप : अष्ट्रियाद्वारा नर्थ म्यासेडोनिया ३-१ ले पराजित

काठमाडाैं- युरो कप २०२० अन्तर्गत अष्ट्रियाले पहिलो जित निकालेको छ। नर्थ म्यासेडोनियाविरुद्ध भएको खेलमा अष्ट्रियाले म्यासेडोनियालाई ३-१ ले पराजित गरेकाे हाे।

रोमानियाको बुकारेस्टमा आइतबार राति सम्पन्न खेलको पहिलो हाफमा दुवै टिमले १-१ गोलको अंक बाँडेका थिए। दोस्रो हाफमा अस्ट्रियाका माइकल ग्रेगोरीच र मारको अर्नाउटोभिचकाे गोल गरेपछि जित निकालेको हो। 

पहिलो हाफको १८औं मिनेटमा स्टेफान लेनरले गोल गर्दै अष्ट्रियालाई अग्रता दिलाएका थिए। २८औं मिनेटमा नर्थ म्यासेडोनियका गोरान पाण्डेभले गोल गर्दै खेललाई बराबरीमा फर्काएका थिए।

७८औं मिनेटमा ग्रेगोरीचले गोल गरेपछि अष्ट्रियाले फेरि अग्रता बनाएको थियो। कप्तान डेविड अलाबाले गरेको उत्कृष्ट क्रसलाई उनले पहिलो टचमा नै गोलमा परिणत गरेका थिए। ८९औं मिनेटमा अस्ट्रियाका अर्नाउटोभिचले गोल गरेका थिए।