पोखरा- गण्डकी प्रदेशका नवनियुक्त मुख्यमन्त्री कृष्णचन्द्र नेपालीले प्रदेशका महिलाहरुको स्तन र पाठेघर क्यान्सरको निःशुल्क उपचार गर्ने घोषणा गरेका छन्।
उनले प्राकृतिक प्रकोप नियन्त्रणका लागि विज्ञसहितको टोली निर्माण गरेर परिचालन गर्ने घोषणा पनि गरेका छन्।
महिलाहरुमा स्तन र पाठेघर क्यान्सरको समस्या विकराल रहेको भन्दै उनले यो समस्याको समाधान नभएसम्म महिलाको प्रगति हुन नसक्ने निष्कर्ष निकालेका हुन्। यस्तै प्रदेश पहाडी ईलाका बढी भएको र पहिरोको जोखिम पहाडी ईलाकामा नै बढी हुने भएकोले विज्ञ टोली गठन गर्ने निर्णय गरेका हुन्।