पोखरा- गण्डकी प्रदेशका नवनियुक्त मुख्यमन्त्री कृष्णचन्द्र नेपाली पोखरेलले पद तथा गोपनियताको सपथ लिएका छन्। प्रदेश प्रमुख सीताकुमारी पौडेलले उनलाई पद तथा गोपनियताको सपथ ग्रहण गराएकी हुन्।
संविधानको धारा १६८ (५) बमोजिम नियुक्त भएका मुख्यमन्त्री नेपालीसँगै गठबन्धनका अन्य चार जनाले पनि विना विभागीय मन्त्रीका रुपमा शपथ ग्रहण गरेका छन्।
मुख्यमन्त्री पोखरेलसँगै कांग्रेसका कुमार खड्का, माओवादीका मधुमाया अधिकारी गुरुङ, जसपाका हरिशरण आचार्य र स्वतन्त्र राजीव गुरुङले पनि शपथ ग्रहण गरेका छन्।