२४ घण्टायता ३ हजार ७५० जना संक्रमित थपिए, ५ हजार २२५ संक्रमणमुक्त

काठमाडौं-  पछिल्लो २४ घण्टामा ३ हजार ७५० जनालाई कोरोना भाइरस संक्रमण भएको पुष्टि भएको छ।  स्वास्थ्य तथा जनसंख्या मन्त्रालयका अनुसार सोही अवधिमा ५ हजार २२५ संक्रमणमुक्त भएका छन्।

पछिल्लो २४ घण्टामा ९ हजार ५९८ पीसीआर र ५ हजार ५८४ जनाको एन्टीजेन परीक्षण गरिएको छ। पीसीआरमा २ हजार ७०९ जनाको र १ हजार ४१ जनाको एन्टिजेन परीक्षणमा कोरोना संक्रमण पुष्टि भएको हो।

उक्त अवधिमा थप ६७ जना संक्रमितको मृत्यु भएको छ।