काठमाडौं- वरिष्ठ अधिवक्ता शम्भु थापाले सरकार बन्न सक्ने नसक्ने जाँच गर्ने प्रतिनिधिसभामा नगएर आफै निर्णय गर्ने अधिकार राष्ट्रपति र प्रधानमन्त्रीलाई नभएको जिकिर गरेका छन्।
निवेदक शेरबहादुर देउवाको तर्फबाट बहस गर्दै उनले यस्तो जिकिर गरेका हुन्।
‘राष्ट्रपति र प्रधानमन्त्री मिलेर आफैले निर्णय गर्ने अधिकार कहाँ छ। प्रतिनिधिसभामा नगएर आफै निर्णय गर्ने अधिकार कसरी आयो,’ उनले भने,‘राष्ट्रपतिको कदम आफैले निर्णय गर्नु भएको छ। ५ बमोजिम नियुक्त भएको प्रधानमन्त्रीले विश्वासको मत प्राप्त गर्न नसकेमा अनि मात्र प्रतिनिधिसभा विघटन गर्न पाइन्छ।’
संविधानमा जे व्यवस्था राखि राखिएको हुन्छ त्यो प्रयोगका लागि राखिएको उनले बताए। १ सय ४६ जना सांसदहरु लाइन लागेर बहुमत सदस्यहरुले हस्ताक्षर गरेरै रिट निवेदन दिएको अवस्थाले पनि विश्वासको मत रहे नरेको प्रष्ट हुने उनको भनाई छ।
उनले अध्यादेशबाट बजेट ल्याउनका लागि नै प्रतिनिधिसभा विघटन गरिएको जिकिर गरे। ‘पहिलो कोभिडमा पनि विघटन दोस्रो लहर आउँदा पनि विघटन,’उनले भने,‘१४६ जना सांसदहरुको बहुमत सहित निवेदन परेकाले अन्तरिम आदेश जारी हुनुपर्छ।’