एमाले विवाद मिलाउन दोस्रो तहका नेताहरू छलफलमा

काठमाडौं– नेकपा (एमाले) का दोस्रो तहका नेताहरु छलफलमा जुटेका छन्। ललितपुरस्थित समिट होटलमा उनीहरु छलफलमा बसेको बताइएको छ।

छलफलमा संस्थापन अर्थात् केपी ओली पक्ष र असन्तुष्ट समूहका दोस्रो तहका नेताहरु सहभागी छन्। बैठकमा संस्थापन पक्षबाट सुवासचन्द्र नेम्वाङ, विष्णु पौडेल, प्रदीप ज्ञवाली र विष्णु रिमाल सहभागी छन् भने माधव नेपाल पक्षबाट सुरेन्द्र पाण्डे, गोकर्ण विष्ट, भीम आचार्य र घनश्याम भुसाललगायत नेताहरुको सहभागिता छ।

अध्यक्ष केपी ओलीले यसबीचमा भएका छलफलको सहमति बमोजिम नै ०७५ जेठ ३ अघिको अवस्थामा फर्किने लिखित प्रतिवद्धता सार्वजनिक गरे पनि माधव नेपाल पक्षले अस्वीकार गरेको छ।