कैलाली – प्रहरीले अवैध काठसहित ट्याक्टर चालकलाई पक्राउ गरेको छ।
कैलालीको जोशीपुर गाउँपालिका–३ बडहरियाका हरिलाल चौधरीले से १ त १२८ नम्बरको ट्याक्टरमा दुई थान सालको काठ लोड गरी राखेको अवस्थामा प्रहरीले पक्राउ गरेको हो।
चौधरीको घरमा अवैध काठ राखिएको सूचनाका आधारमा इलाका प्रहरी कार्यालय जोशीपुरबाट खटिएको प्रहरी टोलीले उनलाई पक्राउ गरेको हो।
प्रहरीले चौधरीलाई आवश्यक कारबाहीका लागि बरामद काठ र ट्याक्टरसहित सब डिभिजन वन कार्यालय भजनी पठाएको छ।