धनगढी- नेपाली कांग्रेस संसदीय दलको बैठक सकिएको छ। आज सुदूरपश्चिम प्रदेशका मुख्यमन्त्री त्रिलोचन भट्टले संसद्मा विश्वासको मत लिने भएपछि निर्णय गर्न बसेको दलको बैठकले सरकारलाई समर्थन गरेर जसरी पनि टिकाउने निर्णय गरेको छ।
बैठकले विश्वासको मत दिने बेला ‘नो भोट’को नीति लिने तर मुख्यमन्त्रीलाई विश्वासको मत कम हुने भएमा पक्षमा मतदान गर्ने निर्णय गरेको हो।
कांग्रेस ससदीय दलका प्रमुख सचेतक टेकवहादुर रैकाले सरकार जसरी पनि टिकाउने निर्णयमा कांग्रेस पुगेको बताएका छन्। यसअघि कांग्रेस बैठक चलिकरहेका बेला मुख्यमन्त्री त्रिलोचन भट्ट र एमाले संसदीय दलका नेता प्रकाश शाह पनि पुगेका थिए।