काठमाडौं- काठमाडौंको बौद्धस्थित नयाँ बस्तीमा शव भेटिएको घटनास्थलमा बोरामा प्याक गरिएको अवस्थामा खुट्टाको भाग मात्रै फेला परेको छ।
घटनास्थलमा रहेका महानगरीय प्रहरी परिसर काठमाडौंका प्रमुख एसएसपी अशोक सिंहले खुट्टाको दुई भाग मात्रै प्याक गरेर फालेको अवस्थामा भेटिएको जानकारी दिए।
‘घुँडा र घुँडा भन्दा मुनिको खुट्टाको दुई भाग मात्रै देखिएको छ,’उनले भने,‘अन्य ठाउँमा जलाएर त्यहाँ ल्याएर फालेको जस्तो देखिन्छ।’
उनका अनुसार घटनास्थलमा कार्पेट काट्न प्रयोग गरिने ब्लेड पनि फेला परेको छ।
‘प्रहरीको टोलिले घटनास्थलमा तालिम प्राप्त कुकुर र अन्य प्राविधिक पाटोबाट अनुसन्धान गरिरहेको छ,’उनले भने,‘अनुसन्धानका क्रममा केही खुल्ला। अहिले यकिन केही भइसकेको छैन।’