दिउँसो पसल खोलेपछि भाटभटेनीका म्यानेजर पक्राउ

काडमाडौं- निषेध आदेशको समयमा दिउँसो पसल खोलेको भन्दै प्रहरीले कोटेश्वरस्थित भाटभटेनी सुपर मार्केटका शाखा म्यानेजर सागर गुरुङलाई पक्राउ गरेको छ। 

काठमाडौंका सहायक प्रमुख जिल्ला अधिकारी उमाकान्त अधिकारीले दिउँसो पसल खोलेको आरोपमा गुरुङलाई पक्राउ गरिएको जानकारी दिए।

सरकारले कोरोना भाइरसको रोकथाम तथा नियन्त्रणका लागि जारी गरेको निषेध आदेशमा बिहान ९ बजेसम्म मात्रै पसल खोल्न पाइने भए पनि कोटेश्वरस्थित भाटभटेनी दिउँसोसमेत खुल्ने गरेको पाइएको थियो। 

भाटभटेनीले दिउँसोसमेत कारोबार गरेको उजुरी आएपछि सहायक जिल्ला प्रमुख उमाकान्त अधिकारीको नेतृत्वमा जिल्ला प्रशासन कार्यालयको टोली अनुगमनमा गएको थियो। गुरुङलाई प्रहरीले पक्राउ गरी कारबाहीको प्रक्रिया अगाडि बढाएको छ।