प्राथमिकतामा परेकालाई जहाँ भए पनि खोप लगाइदिनुस्- स्वास्थ्य मन्त्रालय 

काठमाडौं- स्वास्थ्य तथा जनसंख्या मन्त्रालयले प्राथमिकतामा परेका व्यक्तिलाई जुन स्थान वा जिल्लामा भए पनि खोप लगाइदिन सम्बन्धित कार्यालयलाई आग्रह गरेको छ। 

निशेधाज्ञाका कारण मानिसहरु आवतजावत गर्न सहज नभएकाले उमेर समुह पुगेका वा प्राथमिकतामा परेका व्यक्तिलाई जहाँ भए पनि खोप लगाउन नरोक्न मन्त्रालयले आग्रह गरेको हो।

जेठ २५ गतेदेखि ६० देखि ६५ वर्षमाथिका व्यक्तिलाई भेरोसेल खोप लगाईदैछ। नागरिकता एउटा जिल्लामा भएका र हाल अर्कै जिल्लामा रहेका व्यक्तिले बसिरहेकै जिल्लामा खोप लगाउन पाउने मन्त्रालयका प्रवक्ता डा. कृष्ण प्रसाद पौडेलले जानकारी दिए।