वरिष्ठ अधिवक्ता रमण श्रेष्ठले भने– राज्यमा प्रतिनिधित्व गर्ने मानिसले न्यायालयको हुर्मत लिने काम गरे

काठमाडौं– वरिष्ठ अधिवक्ता रमण श्रेष्ठले राज्यमा प्रतिनिधित्व गर्ने मानिसहरुले न्यायालयको हुर्मत लिने काम गरेको बताएका छन्। सरकारी पक्षले दुई जना न्यायाधीशको विषयलाई लिएर गरेको बहसलाई लक्षित गर्दै उनले यस्तो बताएका हुन्। 

‘श्रीमानले जे आदेश गर्नुहुन्छ, त्यो कुरा हामीले मान्ने हो। तर, न्यायालयको हुर्मत लिने काम राज्यका प्रतिनिधित्व गर्ने मानिसले गरेका छन्। दुई जना न्यायाधीशको नाममा न्यायालयकै हुर्मत लिने काम भएको छ,’ उनले भने। उनले अध्यादेशबाट शासन चलाउने काम भएको बताए।