काठमाडौं– राष्ट्रिय जनमोर्चाका गण्डकी प्रदेश सांसद कृष्ण थापाले सर्वोच्च अदालतमा रिट दायर गरेका छन्।
शुक्रबार उनले सर्वोच्च अदालतमा रिट दायर गरेको सर्वोच्च अदालतका सञ्चार विज्ञ किशोर पौडेलले जानकारी दिए। पार्टीले असंवैधानिक तरिकाले कारबाही गरेको भन्दै उनले सर्वोच्च अदालतमा रिट दर्ता गरेका हुन्।
उनले दायर गरेको रिटको आइतबारका लागि पेशी तोकिएको छ। पार्टीको निर्णय उल्लंघन गरेको भन्दै राष्ट्रिय जनमोर्चाले कारबाही गर्दै पार्टी साधारण सदस्यबाट उनलाई निष्काशन गरेको छ। पार्टीले कारवाही गरेपछि उनको सांसद पद गुमेको छ।