ओलीलाई माधव पक्षका १७ संगठनको चेतावनी : जेठ २ मा नफर्किए नयाँ शिराबाट क्रान्तिको झण्डा उठाउँछौँ

काठमाडौं- नेकपा (एमाले)का वरिष्ठ नेता माधवकुमार नेपालनिकट १७ भातृ संगठनले पार्टीलाई २०७५ जेठ २ मा नफर्काइए नयाँ शिराबाट क्रान्तिको झण्डा उठाउने चेतावनी दिएका छन्। बिहीबार संयुक्त विज्ञप्ति जारी गर्दै एमाले अध्यक्ष केपी शर्मा ओली २ जेठमा नफर्किए पार्टी र आन्दोलन विसर्जन हुने चेतावनीसमेत उनीहरूले दिएका छन्।  

पार्टीका सबै संरचनालाई केन्द्रदेखि स्थानीय तहसम्म जेठ २ अघिकै स्थतिमा क्रियाशील बनाउनुपर्ने उनीहरूको माग छ। 

‘जनताको लामो र कठोर संघर्षबाट प्राप्त उपलब्धिको रक्षाका निम्ति, गौरवमय इतिहास बोकेको पार्टी र आन्दोलनको रक्षाका निम्ति गौरवमय इतिहास बोकेको पार्टी र आन्दोलन रक्षाका निम्ति पार्टीलाई नयाँ शिराबाट एकताबद्ध गरेर क्रान्तिको नयाँ झण्डा उठाउनुपर्नेछ,' संयुक्त विज्ञप्तिमा भनिएको छ, 'इतिहासको यो आदेश र आवश्यकताका निम्ति नयाँ प्रतिवद्धता र दृढताका साथ उभिन तयार रहेको पनि जानकारी गराउन चाहन्छौँ।'

विज्ञप्तिमा माधवपक्षीय किसान महासंघका बलराम बाँस्कोटा, अखिल नेपाल महिला संघकी अध्यक्ष जयन्ती राई, अनेरास्ववियुका अध्यक्ष सुदेश पराजुलीलगायतले हस्ताक्षर गरेका छन्। 

यस्तो छ १७ संगठनको विज्ञप्ति