नुनदेखि गिट्टीसम्मका क्षणिक स्वार्थ पूरा गर्न बजेट केन्द्रित छ : भोजराज पोखरेल

काठमाडौं- पूर्व प्रमुख निर्वाचन आयुक्त भोजराज पोखरेलले सरकारले अध्यादेशमार्फत् ल्याएको बजेट क्षणिक स्वार्थकेन्द्री भएको टिप्पणी गरेका छन्। बुधबार ट्विट गर्दै पोखरेलले यस्तो धारणा व्यक्त गरेका हुन्। 

'अध्यादेशबाट ल्याइएको बजेटका केही प्रावधान पढ्न गल्ती गरेछु कि भनेर दोहोर्‍याइ-तेहर्‍याई पढेँ,' उनले ट्विटमा लेखेका छन्, 'अझै पनि विश्वास लागिरहेको छैन कि क्षणिक स्वार्थ पूरा गर्न कुन हदसम्मको आँट होला- नुनदेखि गिट्टीसम्मका कुरा।'

व्यापार घाटा कम गर्न गिटीबालुवा र ढुंगा निकासी गर्ने भनी बजेट वक्तव्यमा उल्लेख छ। यस्तै नुनको व्यापार प्रधानमन्त्री केपी शर्मा ओलीका आर्थिक सल्लाहकार मोतिलाल दुगडलाई दिनका लागि निजी क्षेत्रलाई पनि खुला गर्ने व्यवस्थासमेत गरिएको छ। हाल नुनको आपूर्ति सरकारी स्वामित्वको साल्ट ट्रेडिङले मात्र गर्दै आएको छ। 

अध्यादेशबाट ल्याइएको बजेटका केही प्रावधान पढ्न गल्ति गरेछु कि भनेर दोर्याई तेहर्याई पढें । अझै पनि विश्वास लागि रहेको छैन कि क्षणिक स्वार्थ्य पूरागर्न कुन हदसम्मको आंट होला- नुन देखि गिट्टी सम्मका कुरा ।

— bhojraj pokharel (@PokharelBhojraj) June 2, 2021