कोभिड खोप खरिदका लागि २६ अर्ब ७५ करोड बजेट

काठमाडौं– अर्थमन्त्री विष्णु पौडेलले अस्पतालमा बेड नभएर मृत्यु हुने अवस्था सिर्जना हुन नदिने बताएका छन्।

आगामी आर्थिक वर्षको बजेट प्रस्तुत गर्दै मन्त्री पौडेलले सबैलाई निःशुल्क खोप उपलब्ध गराउन सरकार प्रतिबद्ध रहेको बताए। 

कोरोनाविरुद्धको खोप अभियानलाई तिव्रता दिइने र आवश्यक पर्ने सबैलाई खोप लगाइने उनले बताए। खोप खरिदका लागि सरकारले  २६ अर्ब ७५ करोड बजेट छुट्याएको छ।

कोरोना नियन्त्रणमा खटिने कर्मचारी र सुरक्षाकर्मीको जोखिम भत्तालाई निरन्तरता दिइएको छ। यसका लागि ३७ अर्ब ५३ करोड बिनियोजन भएको छ।