कल्पनाले वाइल्ड कार्ड पाएपछि चार नेपाली खेलाडीले टोक्यो ओलम्पिक खेल्ने पक्का

काठमाडौं – सुटिङकी खेलाडी कल्पना परियारले वाइल्ड कार्डमार्फत् आउँदो टोक्यो ओलम्पिक २०२० मा सहभागिता जनाउने भएकी छन्। उनले शुक्रबार वाइल्ड कार्ड प्राप्त गरेकी हुन्।

अब उनले टोक्यो ओलम्पिकमा नेपालको प्रतिनिधित्व गर्नेछिन्। उनले १० मिटर एयर राइफलमा प्रतिस्पर्धा गर्नेछिन्।

उनीअघि एथ्लेटिक्सका गोपिचन्द्र पार्की, पाैडीकी गौरिका सिंह, एलेक्स साहले पनि टोक्यो ओम्पिकका स्थान बनाइसकेका छन्। तर, बाँकी केही खेलाडीको पनि वाइल्ड कार्डबाट टोक्यो ओलम्पिकको सम्भावना कायमै छ।

कोभिड-१९ को महामारीका कारण नेपालले छनोट प्रतियोगितामा सहभागी बन्न नसकेपछि नेपालको विकल्प वाइल्ड कार्ड बनेको थियो।

टोक्यो ओलम्पिक आउँदो जुलाई २३ बाट अगस्ट ८ सम्म जापानको टोक्यो सहरमा आयोजना हुँदैछ।