१,६२७ संक्रमितको आईसीयूमा र ४५० को भेन्टिलेटरमा उपचार हुँदै

काठमाडौं- स्वास्थ्य तथा जनसंख्या मन्त्रालयको तथ्यांकअनुसार बिहीबार आईसीयूमा १ हजार ६२७ कोरोना संक्रमित गम्भीर अवस्थामा उपचाररत छन्। जसमध्ये ४५० जना भेन्टिलेटरमा उपचाररत रहेको मन्त्रालयको तथ्यांक छ। 

जसमध्ये सबैभन्दा धेरै बागमती प्रदेशमा रहेका छन्। बागमती प्रदेशमा ७७५ जना संक्रमित आईसीयूमा उपचाररत छन्।

उनीहरुमध्ये २८९ जना भेन्टिलेटरमा छन्। मन्त्रालयको तथ्यांकअनुसार प्रदेश १ मा २१० जना संक्रमित आईसीयूमा उपचाररत रहेकोमा ५३ जना भेन्टिलेटरमा, प्रदेश २ मा १७७ आईसीयूमा रहेकोमध्ये ३६ जना भेन्टिलेटरको सपोर्टमा उपचाररत छन्। 

गण्डकी प्रदेशमा १७६ जना आईसीयूमा उपचाररत रहेकोमा ३६ जना भेन्टिलेटरको सपोर्टमा छन् भने लुम्बिनी प्रदेशमा १९० जना आईसीयूमा उपचाररतमध्ये १९ जना भेन्टिलेटरमा छन्। 

त्यस्तै कर्णालीमा ५१ जना आईसीयूमा उपचाररतमध्ये ५ जना भेन्टिलेटरको सपोर्टमा उपचाररत छन् भने सुदूरपश्चिम प्रदेशमा ४८ जना आईसीयूमा रहेकामध्ये १२ जनालाई भेन्टिलेटरको सपोर्टमा राख्नुपरेको मन्त्रालयको तथ्यांक छ।