सुर्खेतमा २५ गतेसम्म थपियो निषेध आदेश

सुर्खेत– सुर्खेतमा जारी निषेध आदेश जेठ २५ गतेसम्म थप गरिएको छ। आज बसेको कोरोना संटक व्यवस्थापन समितिको बैठकले २५ गतेसम्म निषेध आदेश थप गर्ने निर्णय गरेको हो।

‘संक्रमित नघट्दासम्म निषेध आदेश थप्नु नै उत्तम हुन्छ,’ सुर्खेतका प्रमुख जिल्ला अधिकारी छविलाल रिजालले भने, ‘२५ गतेसम्म निषेध आदेश थप्ने निर्णय भएको छ।’

सुर्खेतमा झण्डै तीन हजार सक्रिय संक्रमित छन्। वैशाख १४ गतेदेखि जारी भएको निषेध आदेश आज शुक्रबार एक महिना पुगेको छ।