बारा- बाराको जितपुरसिमरा उपमहानगरपालिका-२ स्थित जगदम्बा स्टिल फ्याक्ट्रीमा आगलागी भएको छ। ट्रान्सफर्मरमा विद्युत सर्ट भई मंगलबार बिहान आगलागी भएको प्रहरीले जानकारी दिएको हो।
आगलागीमा २ हजार ५ सय किलो केभीको ट्रान्सफर्मर, २ हजार केभीको क्यापसिटर र १ हजार केभीको क्यापसिटर पूर्ण रुपमा जलेर नष्ट भएका छन्। आगलागीबाट करिब ४ करोड रुपैयाँ बराबरको धनमाल नष्ट भएको छ।
प्रहरी, दमकल र स्थानीय बासिन्दाको सहयोगमा आगलागी नियन्त्रणमा लिइसकेको छ।