काठमाडौं- सञ्चारकर्मी डोमा शेर्पाले सगरमाथा आरोहणका क्रममा भोगेका रमाइला क्षण र समस्या पत्रकार सम्मेलन गरी सार्वजनिक गरेकी छन् ।
हिमाली भेगबाट पत्रकारितामा क्रियाशिल आफू सगरमाथा आरोहण गर्ने पहिलो सञ्चारकर्मी भएको बताउँदै डोमाले आगामी दिनमा पनि शाहसिक कार्यका साथै पर्यटन पत्रकारितामा क्रियाशिल हुने बताइन् ।
सगरमाथा आरोहणका लागि हौसला प्रदान गर्ने र यात्राका क्रममा सहयोग गर्ने सबैप्रति धन्यवाद व्यक्त गर्दै उनले आफूले पाएको सहयोगलाई सम्मान गर्दै हिमाली क्षेत्रमा बसोबास गर्नेहरुको सहयोगका लागि दृढ भएर लाग्ने बताइन ।
कार्यक्रममा पत्रकार महासंघका पूर्वसभापति डा सुरेश आचार्यले डोमा एक साहसिक पत्रकार भएको उल्लेख गर्दै एक साहसिक सगरमाथा आरोहणको प्रशंसासमेत गरे ।
उनले आफूलाई सहयोग गर्ने व्यक्ति तथा संस्थालाई सम्मानपत्र र खादासहित सम्मान गरेकी छन् । कार्यक्रमको समापनका क्रममा आदिवासी जनजाती युवा महासंघले डोमालाई दोसल्ला ओडाई सम्मान गरेको थियो । उनी महासंघकी उपाध्यक्ष हुन् ।
डोमा गत जेठ ८ गते सगरमाथाको चुचुरोमा पुग्न सफल भएकी थिइन ।
प्रकाशित: Dec 31, 2017| 18:23 आइतबार, पुस १६, २०७४