काठमाडौं– नेकपा एमालेको स्थायी कमिटी बैठक सुरु भएको छ। प्रधानमन्त्री निवास बालुवाटारमा केहीबेर अघि बैठक सुरु भएको बैठकले शेरबहादुर देउवालाई प्रधानमन्त्री बनाउन र संसद पुनःथापनामा हस्ताक्षर गर्ने सांसदहरूलाई कारबाही गर्ने तयारी गरेको उच्च स्रोतले जानकारी दियाे।
शनिबार बसेको स्थायी कमिटीको बैठकले वरिष्ठ नेताद्वय झलनाथ खनाल र माधवकुमार नेपालसहित ११ जना सांसदलाई स्पष्टीकरण सोधेको थियो। सोमबार बिहानसम्म पनि स्पष्टीकरणको जवाफ नदिएपछि कारबाही गर्ने तयारी भएको एमाले स्रोतले जानकारी दिएको छ।
यस्तै शेरबहादुर देउवालाई प्रधानमन्त्री बनाउन र संसद् पुनःस्थापनाको पक्षमा हस्ताक्षर गर्ने अन्य सांसदलाई पनि बैठकले कारबाही गर्ने बताइएको छ।