काठमाडौं - प्रतिनिधिसभा विघटनविरुद्ध बहुमत हस्ताक्षरसहित विपक्षी गठबन्धन आज सर्वोच्च अदालत जाने भएको छ।
बिहान १० बजे लगत्तै उनीहरू रिट निवेदन दर्ता गर्न अदालत जान लागेका हुन्। हिजो नै सर्वोच्च जाने तयारीमा रहेका दलहरू समय अभावका कारणले अदालत जान सकेका थिएनन्।
विपक्षी गठबन्धनले १४९ जना सांसदहरूको हस्ताक्षरसहित आज सर्वोच्च जाने भएका हुन्। दलहरूले प्रतिनिधिसभा विघटन असंवैधानिक भएको भन्दै बहुमत हस्ताक्षरसहित प्रधानमन्त्रीमा प्रस्ताव गरिएका शेरबहादुर देउवालाई नियुक्तिका लागि परमादेश माग गर्दै रिट दिन लागेका हुन्।
यसअघि आइतबारसम्म कानुन व्यवसायीले २५ वटा रिट अदालतमा पेस गरिसकेका छन्। आज दलहरूको समेत रिट निवेदन परेपछि त्यसको अध्ययन गरेर सर्वोच्च प्रशासनले दर्ता गर्ने तयारी गरेको छ।