भोट र भ्याक्सिनलाई जोड्नै मिल्दैन : प्रधानमन्त्री ओली

काठमाडौं– प्रधानमन्त्री केपी ओलीले कोरोनाविरुद्धको खोपलाई चुनावसँग नजोड्न आग्रह गरेका छन्। बालुवाटारमा पत्रकारहरुसँगको अन्तरक्रियाका क्रममा उनले चुनाव भए पनि नभए पनि जनतालाई खोप उपलब्ध गराइने बताए। 

घोषित चुनावअघि नै सबैलाई खोप उपलब्ध गराइने उनले बताए। त्यसका लागि सरकारले ठोस प्रयास गरिरहेको उनको भनाइ थियो। कतिपयले ‘नो भ्याक्सिन नो भोट’ अभियान चलाइएको प्रसंग पत्रकारहरुले उठाउँदा प्रधानमन्त्री ओलीले भोट र भ्याक्सिनलाई जोड्नै नमिल्ने तर्क गरे।