काठमाडौं– नेकपा एमालेको असन्तुष्ट पक्ष माधव झलनाथ पक्षका सांसदहरु संसद भवन नयाँ बनेश्वरमा भेला भएका छन्।
उनीहरुले सर्वोच्च अदालतमा रिट दायर गर्नका लागि अहिले हस्ताक्षर गरिरहेका छन्। सांसद रामकुमारी झाँक्रीले संसद र संविधान जोगाउन आफूहरुले हस्ताक्षर संकलन गरिरहेको बताइन्।
सांसदहरु सुरेन्द्र पाण्डे, घनश्याम भुसाल, रामकुमारी झाँक्री, निरा जैरु, झपट रावलसहितका सांसद भेला भएका हुन्। उनीहरुले ३० जति सांसदले हस्ताक्षर गर्ने दाबी गरेका छन्। हस्ताक्षर संकलन सुरु हुँदा योगेश भट्टराई र गोकर्ण विष्ट उपस्थित छैनन्। राष्ट्रपति विद्यादेवी भण्डारीले संविधानको धारा ७६ को उपधारा ९५० बमोजिम सरकार गठनको आह्वान गर्दा नेपाली कांग्रेसका शेरबहादुर देउवाको नेतृत्वमा सरकार गठनका लागि एमालेका २७ जना सांसदहरुले हस्ताक्षर गरेका थिए।