काठमाडौं– प्रतिनिधिसभा विघटनको विरोधमा राष्ट्रपति भवन शीतलनिवास अगाडि प्रदर्शन गर्ने युथ कांग्रेसका कार्यकर्ता पक्राउ परेका छन्।
‘प्रतिगामी कदम खारेज गर, संसद् विघटनको निर्णय फिर्ता गर, राष्ट्रपति दलको मतियार नहोऊ जस्ता नारा र प्लाकार्ड बोकेर शीतलनिवासको गेट नजिकै प्रदर्शन गरेका कार्यकर्तालाई प्रहरीले पक्राउ गरेको हो।
युथ कांग्रेस नेपालका राष्ट्रिय संयोजक सचिन तिमल्सेना, केन्द्रीय सदस्य मनोज पुरी, वाग्मती प्रदेश संयोजक साजन योञ्जनलगायत पक्राउ परेका छन्।