काठमाडौं– मास्कको कालोबजारी गरेको आरोपमा प्रहरीले एक जनालाई पक्राउ गरेको छ। मोरङको विराटनगर महानगरपालिका–९ स्थित अधिकारी फार्मेसीका सञ्चालक ३१ वर्षिय भुपेन्द्रनाथ अधिकारीलाई प्रहरीले पक्राउ गरेको हो।
अधिकारीले सुनसरी नगरपालिका–७ का ३७ वर्षिय श्याम चौधरीलाई ६ हजार ८ सय ८० रुपैयाँ पर्ने सिलिकन फुल फेस मास्कलाई ८ हजार ५ सय रुपैयाँमा बिक्री गरेका थिए। जिल्ला प्रहरी कार्यालय मोरङबाट खटिएको प्रहरी टोलीले अधिकारीलाई १ थान सिलिकन फुल फेस मास्कसहित फार्मेसीबाटै पक्राउ गरेको हो।
प्रहरीले अधिकारी माथि कालोबजार तथा अन्य सामाजिक अपराध तथा सजाय ऐन २०३२ अन्तर्गत कारबाही गर्ने जनाएको छ।