पर्सा - पर्सामा म्युकोरमाइकोसिस अर्थात् ब्ल्याक फंगसका बिरामी फेला परेका छन्।
नारायणी अस्पतालको उपचारमा संलग्न चिकित्सकका अनुसार पर्सामा अहिलेसम्म पाँच जना ब्ल्याक फंगसका बिरामी भेटिएका हुन्।
कोरोना संक्रमित रहेका उनीहरूकाे आँखामा ब्ल्याक फंगसले आक्रमण गरेको देखिएको उपचारमा संलग्न चिकित्सक डा. निरज सिंहले बताए।
हाल संक्रमितहरू नारायणी अस्पतालमा उपचाररत छन्। नेपालमा यसको उपचार उपलब्ध नभएकाले तत्काल सरकारको ध्यान जानु पर्ने उनकाे भनाइ छ।
पछिल्लो समय पर्सामा संक्रमितको दर घट्दै गए पनि ब्ल्याक फंगसका सङ्क्रमित देखा पर्नुले थप सुरक्षा मापदण्ड अपनाउनुपर्ने चिकित्सकहरूको सुझाव छ।