काठमाडौं- नेकपा एमालेले पार्टी गतिविधिविरुद्ध लागेको भन्दै वरिष्ठ नेताद्वय माधवकुमार नेपाल र झलनाथ खनालसहित ११ जनालाई स्पष्टीकरण सोध्ने निर्णय गरेको छ।
आज बसेको स्थायी कमिटीको बैठकले यस्तो निर्णय गरेको प्रवक्ता प्रदीप ज्ञवालीले जानकारी दिए।
स्पष्टीकरण सोधिएका नेताहरुमा वरिष्ठ नेता माधवकुमार नेपाल, झलनाथ खनाल, भीम रावल, मुकुन्द न्यौपाने, रामकुमारी झाँक्री, निरा जैरु, कल्याणी खड्का, सरला यादव, पुष्पा कर्ण, लक्ष्मी चौधरी र कलिला खातुन छन्।
एमालेले नेता नेपाल, खनालसहित ४ नेतालाई यसअघि पनि स्पष्टीकरण सोधेको थियो।
तर केही दिनयता पार्टी एकीकरणका लागि भन्दै वार्ता र छलफलहरु भएपछि स्पष्टीकरण सोधर कारबाही गरिएका नेताहरुको कारबाही फुकुवा गरिएको थियो।