नयाँदिल्ली- ह्वाट्सएपमा सेयर गरेको भिडियो भाइरल भएपछि भारतमा मुठभेडको स्थिति सिर्जना भएको छ । एक साताअघि भाइरल भएको उक्त भिडियोमा बच्चालाई अपहरण गरेको देखाइएको छ ।
आखिर के थियो त भिडियोमा ?उक्त भिडियो एक जना पाकिस्तानीले जनचेतनाका लागि बनाएका हुन् । भिडियोको अन्तिम भागमा एउटा मोटरसाइकलमा अाएका अपहरणकारीले हिँडिरहेको बच्चालाई समातेर लगेको देखाइएको छ।
भिडियोमा ‘सावधान अपहरणकारीहरू आउँदै छन्,’ भन्ने प्रवृत्तिको सूचना दिइएको छ ।
सम्पादन नभएको उक्त भिडियोले भारतमा कृत्रिम रूपमै भयावह स्थिति ल्याएको हो । शुरूमा म्यासेजमा मात्र भाइरल भएको उक्त भिडियोलार्इ भारतीय मिडियाले स्थान दिएपछि तनाव सिर्जना भएको हो ।
जसले गर्दा स्थानीय बासिन्दा नयाँ मान्छे देख्नेबित्तिकै शंकाको दायरमा राख्ने र कुटपिटसमेत गर्न गरेका छन् । यसैको प्रभावले दुई जनामाथि कुटपिट गर्दा अासामकाे गुवाहाटीका निलोतपल दास , अडियो इन्जिनियर अभिजित नाथ, एक डिजिटल आर्टिस्टको ज्यान गएको छ ।
बाटो सोध्न रोकिएका उनीहरूलार्इ अपहरणकारी संज्ञा दिँदै कुटपिट गरिएको थियो । यसअघि सात जनाको सोही कारण मृत्यु भइसकेको छ ।
भारत सरकार तथा अन्य प्रदेशले उक्त भिडियोलाई विश्वास नगर्न अपिल गरेका छन् । तर, स्थिति अझै सामान्य हुनसकेको छैन ।
प्रकाशित: Dec 31, 2017| 18:23 आइतबार, पुस १६, २०७४