एक सातामै ५८ हजारभन्दा धेरै संक्रमित थपिए, १३ सय ५५ को मृत्यु

काठमाडौं– जेठको एक सातामा देशभर ५८ हजारभन्दा धेरै कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार जेठको १ सातामै ५८ हजार ७० जना कोरोना संक्रमित थपिएका हुन्। 

त्यस्तै सोही अवधिमा ४७ हजार १८३ संक्रमित संक्रमणमुक्त भएका छन्। एक हप्ताको अवधिमा १ हजार ३५५ जनाको मृत्यु भएको छ।

स्वास्थ्य मन्त्रालयले जेठ महिनामा १ लाख ७४५ जना नयाँ संक्रमित थपिने प्रक्षेपण गरेको छ। तर एक हप्तामा नै सरकारको प्रक्षेपणको आधा संक्रमित थपिइसकेका छन्। यही गतिमा संक्रमण फैलिए सरकारको प्रक्षेपणभन्दा दोब्बर हुने देखिएको छ।

यस्तो छ एक हप्ताको तथ्यांक 

मिति    संक्रमित     संक्रमणमुक्त     मृत्यु
जेठ १    ८,१६७       ५,४५५              १८७
जेठ २    ७३६८        ६६४८               १४५
जेठ ३    ९२४७        ५७६७               २१४
जेठ ४    ८२०३       ६८९१                १९६
जेठ ५    ८१७३      ७९८९                 २४६
जेठ ६    ८३०५      ६५४३                 १९०
जेठ ७    ८६०७     ७८९०                  १७७