काठमाडौं– कोरोना संक्रमणका मृत्यु हुनेको संख्या देशभर ६ हजार नाघेको छ। आज १७७ जनाको मृत्यु भएसँगै मृत्यु हुनेको संख्या ६ हजार २४ पुगेको हो।
स्वास्थ्य तथा जनसंख्या मन्त्रालयका अनुसार कोरोनाका कारण मृत्यु हुनेमा सबैभन्दा धेरै ६० वर्षभन्दा माथिका छन्। ६० वर्ष माथिका ३ हजार ३१२ जना संक्रमितको मृत्यु भएको छ। त्यस्तै सबैभन्दा कम ९ वर्षसम्मका बालबालिकाको संख्या छ। ९ वर्षसम्मका ३१ जना बालबालिकाको मृत्यु भएको छ।
त्यस्तै १० देखि १९ वर्ष उमेर समूहका ३२ जना, २० देखि २९ वर्ष उमेरका १६७ जना, ३० देखि ३९ वर्षका ५०५ जना र ५० देखि ५९ वर्ष उमेरका १ हजार १३१ जनाको मृत्यु भएको मन्त्रालयको तथ्यांक छ।