घर भत्कँदा दैलेखमा एक जनाको मृत्यु

सुर्खेत - अविरल वर्षाका कारण दैलेखमा घर भत्कँदा एक जनाको मृत्यु भएको छ। मृत्यु हुनेमा भैरवी गाउँपालिका-२, बलेसैनीका ६२ वर्षीया लक्ष्मी थापा रहेकी छन्। 

कच्ची घर भत्कँदा घाइते भएकी उनको उपचारका लागि दैलेखबजार ल्याउँदै गर्दा बाटोमै मृत्यु भएको हो। आज बिहान साढे १० बजेतिर उनको घर भत्किएको जिल्ला प्रहरी कार्यालय दैलेखका डीएसपी अनुपम श्रेष्ठले जानकारी दिए। 

बिहीबार रातिदेखि कर्णालीका विभिन्न जिल्लामा वर्षा भइरहेको छ।