महन्थ-राजेन्द्रपक्षका सांसदहरूको छलफल सुरु

काठमाडौं - जसपा अध्यक्ष महन्थ ठाकुर र वरिष्ठ नेता राजेन्द्र महत्तो पक्षका सांसदहरुको बैठक सुरु भएको छ।

भरखरै सिंहदरबारमा बैठक सुरु भएको सांसद प्रमोद साहले जानकारी दिए।

बैठकमा जसपाका अर्का अध्यक्ष उपेन्द्र यादव र संघीय परिषद् अध्यक्ष बाबुराम भट्टराई पक्ष भने सहभागी छैन। 

महन्थ राजेन्द्र पक्षले अर्को पक्षका सांसदहरूलाई खबर नै नगरेर आफू निकटका सांसदहरुसँग मात्रै छलफल गर्न लागेको हो। 

दुईजना अध्यक्षबीच भएको सहमति भन्दा बाहिर गएर एकलौटी रुपमा महन्थ राजेन्द्र पक्षले बैठक राखेको यादव निकट सांसद रमेश यादवले जानकारी दिए। 

महन्थ राजेन्द्र पक्षले आफूहरूसँग बहुमत रहेको दाबी गर्दै आएको छ।