राष्ट्रपति र प्रधानमन्त्रीको मुलुकलाई द्वन्द्वमा लैजाने षड्यन्त्र : शेखर कोइराला

काठमाडौं - नेपाली कांग्रेसका नेता डा. शेखर कोइरालाले राष्ट्रपति विद्यादेवी भण्डारी र प्रधानमन्त्री केपी शर्मा ओली संविधान समाप्त गरि मुलुकलाई द्वन्द्वमा धकेल्ने षडेन्त्रमा लागेको प्रतिक्रिया दिएका छन्।

'संविधानको धारा ७६/३ अनुसार नियुक्त प्रधानमन्त्री केपी ओलिले विश्वासको मत नलिई वा राजिनामा नगरी धारा ७६/५ लागु गर्नु र सो अनुरुप राष्ट्रपति अगाडि बढ्नु संविधानको धज्जी उडाउनु मात्र नभई प्रधानमन्त्री र राष्ट्रपतिको संविधान समाप्त गर्ने र मुलुकलाई द्वन्द्वमा लैजाने षडयन्त्र हो,' कोइरालाले फेसबुकमा लेखेका छन्।

बिहीबार राष्ट्रपतिले संविधानको धारा ७६ को उपधारा ५ बमोजिम नयाँ सरकार गठनको प्रक्रिया सुरु गर्न आह्वान गरेपछि सामाजिक सञ्जालमा राष्ट्रपतिको उक्त कदमको चर्को बिरोध भइरहेको छ।