खुराफात शिरोमणिद्वयको षड्यन्त्र नरोकिने भयो : बाबुराम भट्टराई

काठमाडौं– पूर्वप्रधानमन्त्री एवम् जसपा अध्यक्ष डा. बाबुराम भट्टराईले सबै दलीय स्वार्थ त्यागेर संविधानको धारा ७६ को उपधारा ५ बाट निकास दिनुपर्ने बताएका छन्।

उनले राष्ट्रपतिले नयाँ सरकार गठनका लागि आह्वान भएपछि भट्टराईले यस्तो प्रतिक्रिया दिएका हुन्। उनले सामाजिक सञ्जालमा लेखेका छन्, 'खुराफात शिरोमणिद्वयको षडयन्त्र र संविधानमाथिको आक्रमणको शृंखला नरोकिने भयो।’

उनले कोरोना महाव्याधिको संकटका बेला देशलाई अनिश्चित र हुनसेन स्टाइल चुनावको अँध्यारो सुरुङमा धकेल्नेहरूलाई दण्डित परास्त गर्न आग्रह गरेका छन्। भट्टराईले भनेका छन्, ‘सबैले दलीय र निजी स्वार्थ त्यागेर जोजेमा सहमति हुन्छ, धारा ७६ (५) बाटै निकास दिऊँ।’