काठमाडौं– टेन्सबर्ग बियर उत्पादन गर्ने टाइगर ब्रुअरीका अध्यक्ष तेजेन्द्र खड्काको मृत्यु भएको छ।
ललितपुरको मेडिसिटी अस्पतालमा उपचारका क्रममा बिहीबार बिहान उनको मृत्यु भएको हो। कोरोना भाइरसको संक्रमण भएपछि उनलाई अस्पताल भर्ना गरिएको थियो।
लामो समयसम्म अस्पताल बसेका खड्काको पछिल्लो कोरोना रिपोर्ट भने नेगेटिभ आएको बताइएको छ। उनकी श्रीमतीको समेत केही दिनअघि मृत्यु भएको थियो।
खड्का र दुर्गा प्रसाईंको संयुक्त लगानीमा हालै मार्सी बियर उत्पादन सुरु भएको छ। टाइगर ब्रुअरीले माफिया ह्विस्की र डन इनर्जी ड्रिंक्ससमेत बजारमा ल्याउने घोषणा गरेको छ।