पत्नी हत्याको आरोपमा पतिसहित परिवारका चार जना पक्राउ

विराटनगर– मोरङको रंगेलीमा महिला हत्या आरोपमा प्रहरीले उनका पतिसहित ४ जनालाई बुधबार नियन्त्रणमा लिएको छ। 

२४ वर्षीया अनिता यादवको हत्या परिवारकै संलग्नतामा भएको आशंका देखिएकाले अनुसन्धानका लागि मृतकका पति ४५ वर्षीय वेचन यादव, ५० वर्षिया सासु विजुली यादव, ६५ वर्षीया ससुरा रामु यादव र १९ वर्षीय देवर विनोद यादवलाई नियन्त्रणमा लिइएको मोरङ प्रहरी प्रमुख सन्तोष खड्काले बताए। एसपी खड्काले परिवारका ४ जनालाई अनुसन्धानका लागि नियन्त्रणमा लिएर सोधपुछ थालिएको बताए। 

रंगेली ३ नहर खण्डमा यादवको हत्या गरी फालिएको अवस्थामा बुधबार विहान शव फेला परेको थियो। घटनास्थल घरबाट २ किलोमिटर टाढा रहेको प्रहरीले जनाएको छ।