काठमाडौं- राष्ट्रिय प्रजातन्त्र पार्टी (राप्रपा) ले बागमती प्रदेशको राष्ट्रियसभा सदस्य उपनिर्वाचनमा रामबहादुर थापालाई मतदान गर्ने भएको छ।
राप्रपाले गृहमन्त्रीसमेत रहेका थापालाई नै मतदान गर्ने निर्णय गरेको नेता मोहन श्रेष्ठले जानकारी दिए।
जेठ ६ गते हुने उपनिर्वाचनमा राप्रपाका तर्फबाट प्रदेशसभामा दुईजना सदस्य र स्थानीय तहमा दुईजना प्रतिनिधि मतदाता छन्। यी जोड्दा राप्रपाको मत संख्या १३२ छ।
प्रधानमन्त्री केपी शर्मा ओलीले केही दिनअघि राप्रपा अध्यक्ष कमल थापालाई टेलिफोन गरेर थापाका लागि मत मागेका थिए।
राप्रपाले एमालेलाई आधिकारिक पत्रसमेत पठाएर उप निर्वाचनमा एमाले उम्मेदवार थापालाई नै मतदान गर्ने निर्णय गरिएको जानकारी दिएको थियो।