काठमाडौं- शंखमुलस्थित यूएनपार्क नजिकै अज्ञात समुहले सरकारी गाडीमा आगजनी गरेका छन् ।
आइतबार दिउँसो, राजश्व अनुसन्धान तालिम केन्द्र, हरिहर भवनको गाडीमा आगजनी भएको हो । प्रहरीका अनुसार अनुसार बा १ झ ८८१८ नम्बरको गाडीमा अज्ञात समूहले आगजनी गरेका हुन् ।
गाडीका चालक नकुल लुँइटेल मात्र थिए । पेट्रोलियम पदार्थको मुल्यवृद्धिको विरोधमा आगजनी गरिएको हुनसक्ने प्रहरी अनुमान छ ।
आगजनी गर्नेको खोजी कार्य भइरहेको प्रहरीले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४