काठमाडौं– सांसद तथा नेपाल कम्युनिस्ट पार्टीका सदस्य यज्ञराज सुनुवारले सरकारले बीपी राजमर्गमा ठूला गाडि बन्द गरेर जनतालाई दुख दिएको आरोप लगाएका छन् । आईतबार संसदको शुन्य समयमा बोल्दै उनले यस्तो आरोप लगाएका हुन् ।
‘हिडदै गरेको मान्छेलाई श्वास रोक भनेर सरकारले भन्न मिल्छ ? सोलु खोटाङ ओखलढुंगा र दोलाखाका जनतालाई यही भनाई लागु भएको छ,’ सुनुवारले भने ।
१० टन भन्दा बढिका गाडि चल्न नदिने सरकारी निर्णयले ती जिल्लाका जनताले मार ब्याहोर्नु परेको उनले बताए । सरकारको यो निर्णयले ओखलढुंगाका लागि माल बोकेर गएका सामान सिन्धुली र महोत्तारीको सिमा क्षेत्रमा थन्किएर बसेका र दैनिक उपभोग्य सामानको अभाव भएको बताए ।
उनले भने ‘पेट्रोलियम पदार्थ नहुँदा सबारी साधन गुड्न छोडेका छन् । सरकारले भूकम्प पुन निर्माणमा दोस्रो किस्ता निकासका लागि असार मसान्त सम्मको आदेश दिएको छ । तर पुन निर्माण सामाग्री बोकेका ट्रकबीच बाटोमा थन्किएका छन् ।’
प्रकाशित: Dec 31, 2017| 18:23 आइतबार, पुस १६, २०७४