काठमाडौं– गएको शुक्रबार चीनबाट आएको ४०० थान अक्सिजन सिलिन्डर १३ वटा अस्पताललाई वितरण गरिएको छ।
चीनबाट अनुदानमा आएका ती सिलिन्डर स्वास्थ्य मन्त्रालयको समन्वयमा अस्पतालहरुमा पठाइएको हो। सिलिन्डर वितरणको जिम्मा स्वास्थ्य सेवा विभागलाई दिइएको छ।
प्राप्त ४०० थान सिलिन्डरमध्ये अस्पताललाई ५०, वीरलाई ५०, सशस्त्र प्रहरी अस्पताललाई २५, सिभिललाई ४०, त्रिवि टिचिङलाई ५०, किस्ट, काठमाडौं मेडिकल र नेपाल मेडिकल कलेजलाई २०–२०, किर्तिपुर आयुर्वेदिक केन्द्र र मनमोहन अस्पतालाई पनि २०–२०, लुम्बिनी प्रादेशिक अस्पताल बुटवललाई ४५ र सेती प्रादेशिक अस्पताल धनगढीलाई ३५ थान उपलब्ध गराइएको छ।