काठमाडौं– एनएमबि बैंकले अनलाइन केवाईसीको सुरुवात गरेको छ । उक्त सेवाको सुरुवातसँगै एनएमबि बैंकका ग्राहकहरूले आफ्नोे घर वा कार्यालयबाट केवाईसी विवरणहरू अनलाइन अपडेट गर्न सक्नेछन् ।
ग्राहकहरूले एनएमबि डिजिटल प्लेटफर्महरू (ओम्निच्यानल र सामाजिक सञ्जाल) मार्फत अनलाइन नयाँ खाता खोल्ने, खाता खोलिसकेका ग्राहकहरूले पनि सजिलै यस डिजिटल सेवा प्रयोग गरेर आफ्नो केवाईसी विवरणहरू अपडेट गर्न सक्ने बैंकले जनाएको छ ।
अनलाइन खाता खोल्दा ग्राहकले एकपटक आफ्नो व्यक्तिगत पहिचान प्रमाणीकरण गर्न कुनै शाखा जानुपर्ने हुन्छ । तर, खाता सक्रिय गर्नका लागि हस्ताक्षरबाहेक कुनै पनि फारम भने भर्नु नपर्ने बैंकले जनाएको छ ।