मोरङमा जेठ ११ सम्म निषेध आदेश थपियो

विराटनगर - मोरङमा जेठ ११ गतेसम्म निषेध आदेश थपिएको छ।

जिल्ला प्रशासन मोरङमा शुक्रबार बसेको डीसीसीएमसीको बैठकले कोरोना संक्रमण र मृत्युदर बढ्दो अवस्थामा रहेको भन्दै कडाइका साथ निषेध आदेश थप गर्ने निर्णय गरेको हो।

मोरङ प्रशासनले जेठ १ गते राति १२ बजेसम्मका लागि दोस्रो पटक जिल्लाभरी लागू हुने गरी निषेध आदेश थप्ने निर्णय गरे थियो।

पहिलो पटक विराटनगरसहित चार स्थानीय तहमा बैशाख १८ गते राति १२ बजेदेखि निषेध आदेश जारी भएको थियो।

मोरङ्‍मा अहिले करिव ५ सयको हाराहारीमा संक्रमित थपिरहेका छन्। १७ वटै स्थानीय तहमा संक्रमण फैलिएको छ।