काठमाडौं– जनता समाजवादी पार्टीका अध्यक्ष महन्थ ठाकुरले आफूनिकट सांसदहरूसँग छलफल गरिरहेका छन्। बबरमहलस्थित पार्टी कार्यालयमा ठाकुरले सांसदहरूसँग छलफल गरिरहेको एक नेताले जानकारी दिए।
कांग्रेस सभापति शेरबहादुर देउवालाई भेटेपछि ठाकुरले सांसदहरूसँग छलफल गरिरहेका हुन्।
नेता राजेन्द्र महतोसहित देउवालाई भेट्न पुगेका ठाकुरले आफ्नो नेतृत्वमा सरकार निर्माणका लागि प्रस्ताव अघि सारेका थिए। अहिले भइरहेको छलफलमा उनले आफू इतरका सांसदहरुलाई भने बोलाएका छैनन्।