काठमाडौं- प्रख्यात स्नायु शल्य चिकित्सक डा.उपेन्द्र देवकोटालाई भेन्टिलेटरबाट निकालिएको छ । बाँसवारीस्थित न्युरो अस्पतालमा उपचारत उनलाई स्वास्थ्यमा सुधार देखिएपछि भेन्टिलेरबाट निकालिएका हो ।
विगत केही समयदेखि पित्त थैलीको क्यान्सरबाट पीडित डा.देवकोटाको स्वास्थ्य अवस्था थप जटिल बनेपछि आईसियुमा राखेर उपचार भइरहेको थियो । भेन्टिलेर बाहिर रहेका डा. देवकोटा अहिले सामान्य बोलचाल गर्न सक्ने अवस्थामा रहेको पारिवारिक स्रोतले जनाएको छ ।
यसैबिच, डा उपेन्द्र देवकोटाको विषयमा फैलाइएको हल्ला गलत भएको भन्दै परिवार र अस्पतालले दुखः व्यक्त गरेका छन् । शनिवार बिहान विज्ञप्ति जारी गर्दै स्वास्थ्यस्थिति गम्भीर भएपनि बाहिर फैलाइएको हल्ला जस्तो नभएको जनाइएको छ ।
सामाजिक सञ्जालमा उनको मृत्यु भएको भन्दै हल्ला फिजिएपछि अस्पताल र परिवारले यस्तो प्रतिक्रिया दिएको हो। साथै अस्पतालबाट दिइने आधिकारिक जानकारीबाहेक अन्य सूचनामा विश्वास नगर्नसमेत विज्ञप्तिमा भनिएको छ। विज्ञप्तिमा देवकोटाको स्वास्थ्यलाभको कामना गर्नेहरूप्रति उनको परिवारले आभार व्यक्त गरेको छ।
यस्ताे छ विज्ञप्तिडा.देवकोटा वेलायतस्थित किग्स कलेजमा ५ महिना उपचार गरेर गत वैशाख १५ गते नेपाल फर्किएका थिए । उनको समस्या निको नहुने खालको भनेर चिकित्सकहरुले प्रमाणित गरेपछि उनी नेपाल फर्किएका हुन् ।
अहिले उनी काठमाडौंमा रहेको आफ्नै घर र अस्पतालमा आराम गर्दै आएका छन् । डा.देवकोटाले वीर अस्पतालबाट मुलुकमा स्नायु शल्य चिकित्साको शुरूवात गरेका थिए।
प्रकाशित: Dec 31, 2017| 18:23 आइतबार, पुस १६, २०७४