काठमाडौं - नेकपा एमालेको स्थायी कमिटीको बैठक शुरु भएको छ। संसदीय दलका उपनेता सुवासचन्द्र नेम्बाङले बैठक प्रधानमन्त्री निवास बालुवाटारमा सुरु भएको जानकारी दिए।
बैठकमा पछिल्लो राजनीतिक घटनाक्रमका बारेमा छलफल हुने बताइएको छ। बालुवाटार स्रोतका अनुसार आजको बैठकले माधव नेपाल पक्षका माग सम्बोधन गर्ने सबै अधिकार ओलीलाई दिने निर्णय गर्न सक्ने बुझिएको छ।
आजै स्थायी कमिटी बैठकपछि ओलीले नेपालसँग वार्ता गर्न सक्ने बालुवाटार स्रोतको दावी छ। असन्तुष्ट माधव नेपाल पक्षले राजीनामा दिने तयारी गरिरहेका बेला ओलीले त्यसलाई रोक्न अन्तिम कसरत गरिरहेका छन्।