बजार

रिचार्जरले ल्यायो आकस्मिक पोर्टेबल अक्सिजन ब्याग 

1623329809.oxygen.jpg

काठमाडौं- ई-कमर्श प्लेटफर्म रिचार्जरले कोरोनाका साथै अन्य आकस्मिक बिरामीहरुका लागि लक्षित गर्दै पोर्टेबल अक्सिजन ब्याग बजारमा ल्याएको छ।

कोभिडसम्बन्धी सबै किसिमका सामानहरु सहज रुपमा उपलब्ध गराउँदै आएको रिचार्जरले अक्सिजन ब्यागको बिक्री सुरु गर्न लागेको हो। 

जेठ २८ गते शुक्रबार दिउँसो २ बजेदेखि ५ बजेसम्म रिचारर्जर एपमा उक्त ब्याग खरिदका लागि बुकिङ तथा अर्डर गर्न सकिने छ। उक्त अवधिमा बुकिङ गर्नेहरुलाई पोर्टेबल अक्सिजन २ हजार रुपैंयाको दरमा उपलब्ध हुनेछ। उक्त अवधिमा रिचार्जरका प्रयोगकर्ताले ५०० देखि ५ हजारसम्म क्यास प्वाइन्ट रिडिम गर्न सक्ने छन्। 

१ लिटर क्षमताको उक्त पोर्टेबल ब्यागले ४५ मिनेटदेखि १ घण्टासम्मका लागि बिरामीलाई अक्सिजन उपलब्ध गराउने छ। उक्त अवधिमा बिरामीलाई अस्पताल पुर्‍याउन पोर्टेबल अक्सिजनले सघाउ पुर्‍याउनेछ। एक पटक अक्सिजन सकिएपछि अक्सिजन सिलिन्डर वा अक्सिजन रिफिल गर्ने ठाउँबाट ब्यागमा फेरि भरेर प्रयोग गर्न सकिने कम्पनीले जनाएको छ। 

रिचार्जरले १० लिटर क्षमताको अक्सिजन सिलिण्डर ९ हजार ९९९ रुपैंयामा उपलब्ध गराउनेछ भने सर्जिकल मेल्टबोन मास्क ३ रुपैंयाका साथै अन्य वस्तुहरु सस्तो मूल्यमा उपलब्ध गराउने जनाएको छ। 

प्रतिक्रिया दिनुहोस्
थप समाचार
लेखकबाट थप
ताजा अपडेट